RÉGLEMAN KONFIDANSYALITE WELLFRAME / BLUE CROSS AND BLUE SHIELD OF KANSAS CITY
Dènye mizajou a te fèt nan dat 30 avril 2024. Ou kapab jwenn ansyen vèsyon yo nan achiv
APÈSI JENERAL
Règleman konfidansyalite yo aplike pou aplikasyon mobil Blue KC Care Management («Sèvis» yo) ki bay pa Blue Cross and Blue Shield of Kansas City oswa afilye l yo “Wellframe”, “nou”, “noumenm”, oswa “pa n”).
Tanpri revwa Règleman Konfidansyalite Vi Prive nou yo ak atansyon Si wap gade l sou aplikasyon mobil ou a, tape sou “Aksepte” pou w konfime ke ou konprann fason Wellframe kapab trete enfòmasyon pèsonèl ou. Etan wap itilize aplikasyon an, nou kapab poze w kesyon adisyonèl pou asire nou gen konsantman w pou rasanble ak itilize enfòmasyon pèsonèl ou pou rezon byen presi. Pou fasilite w, nou souliye kèk pwen enpòtan pi ba a, men kanmèm ou dwe revize tout Règleman sou Konfidansyalite a an detay.
Nou ka trete enfòmasyon pèsonèl ou pou rezon ki annapre yo:
- Ba ou aksè nan sèvis la atravè aplikasyon mobil sa a, sa gen ladan atravè founisè sèvis yo, tankou founisè ebèjeman cloud nou an, ki yo menm gen kontra ki oblije yo pwoteje enfòmasyon pèsonèl ou; epi
- Pou depèsonalize enfòmasyon pèsonèl ou (pou li pa idantifye w ankò) epi pou itilize enfòmasyon ki rete a defason agreje oubyen ki pa agreje pou amelyorasyon pwodui, maketing, rechèch, e pou bay kliyan nou yo sèvis;
Tanpri pa itilize aplikasyon mobil nou an si ou pa dakò pou nou trete enfòmasyon pèsonèl ou pou rezon sa yo, oswa si ou pa dakò ak nenpòt lòt kondisyon nan Règleman sou Konfidansyalite a.
KOLEKSYON AK ITILIZASYON ENFÒMASYON
Objektif Règleman sou Konfidansyalite sa a se pou enfòme itilizatè yo sou kijan nou kolekte ak itilize enfòmasyon w atravè aplikasyon nou yo ak sèvis konèks yo (kolektivman, “Sèvis” la). “Enfòmasyon Pèsonèl” se enfòmasyon ki idantifye w, tankou enfòmasyon sante, jan sa kategorize pi ba a. Gen kèk enfòmasyon ki ka tonbe nan plizyè kategori. Lè w tape sou “Aksepte” nan fen Règleman sou Konfidansyalite sa a, ou dakò pou Wellframe kolekte epi itilize enfòmasyon w yo jan sa dekri pi ba a. Se chwa w si wi oswa non ou vle ban nou enfòmasyon sa a men si ou refize, ou ka pa kapab itilize yon pati oswa tout Sèvis nou an paske gen kèk enfòmasyon ki nesesè. Ou kapab chanje kèk nan paramèt konfidansyalite vi prive yo nenpòt lè, depi w ale nan paramèt aplikasyon mobil la.
Ki enfòmasyon Wellframe kolekte
- Enfòmasyon ou bay: Nou ka mande ak kolekte enfòmasyon tankou non w, adrès imèl ou, nimewo telefòn ou, adrès ou, dat nesans ou, ak sèks ou pou anrejistre kont ou an, ansanm ak lòt enfòmasyon nan kategori ki anba yo lè w anrejistre pou Sèvis la, oswa kontakte nou dirèkteman. Nou itilize enfòmasyon sa a pou n jere kont ou, verifye idantite w, epi ba w Sèvis.
- Enfòmasyon nou resevwa nan men tyès pati: Nou ka resevwa enfòmasyon de ou, sa gen ladan enfòmasyon ki nan lis lòt kategori yo, nan men yon founisè swen sante, founisè asirans sante, responsab swen, oswa kòm yon pati nan rechèch medikal («Esponnsò») oswa lòt tyès pati selon enstriksyon Esponnsò w. Enfòmasyon sa a ka gen ladan l enfòmasyon demografik, istorik medikal, enfòmasyon sou asirans sante, oswa lòt enfòmasyon ke Esponnsò w la mande nou pou n trete. Nou itilize enfòmasyon sa pou akonpli obligasyon kontraktyèl nou ak bay sèvis la. Se Esponnsò w la ki kontwole koleksyon, tretman ak pataj enfòmasyon sa a.
- Enfòmasyon sou Sante: Nou kolekte enfòmasyon sante pèsonèl, tankou enfòmasyon sou dyagnostik, sentom, pwosedi medikal, medikaman, nòt klinik, karakteristik fizik, enfòmasyon founisè, ak lòt enfòmasyon byometrik. Nou itilize enfòmasyon sa a pou n ba w Sèvis, tankou itilize enfòmasyon sou medikaman pou bay notifikasyon sou medikaman yo.
- Kominikasyon: Nou kolekte kontni kominikasyon ki fèt atravè Sèvis nou an. Nan kontni sa a ka genyen enfòmasyon ki nan lòt kategori yo avèk nenpòt lòt enfòmasyon ke ou deside kominike. Nou itilize kontni sa a pou n ba w yon dosye sou kominikasyon w yo epitou pou n itilize l nan fòm depèsonalizasyon jan nou endike pi ba a.
- Done Entegrasyon: Nou ka itilize metòd otomatize pou n swiv done ki soti nan lòt aplikasyon w yo, nan akseswa ou mete sou ou pou kondisyònman fizik, aparèy kontwòl byometrik, ak lòt entegrasyon ke ou te otorize pou kominike ak Sèvis nou an. Epi done entegrasyon sa a vin entegre nan aplikasyon nou an pou ni oumenm ni Esponnsò w la wè ak itilize. Aplikasyon an ka mande w bay pèmisyon pou l itilize fonksyonalite kamera aparèy ou a. Nou itilize osyon sa pou nou gen aksè ak opsyon eskane pou rekonesans optik karaktè (optical character recognition: OCR) ak pou pèmèt ou mete dokiman atache nan kominikasyon yo. Otreman nou pa kolekte imaj oswa anrejistreman w genyen nan aparèy ou a. Si wap itilize vèsyon Android aplikasyon nou an, yo ka mande w pou otorize aksè nan done lokalizasyon yo pou koneksyon Bluetooth la, sepandan, nou pa kolekte done sou lokalizasyon w yo.
- Enfòmasyon ki pa gen rapò ak aplikasyon an: Nou ka kolekte enfòmasyon pèsonèl tou deyò Sèvis la, sa gen ladan done aktivite navigasyon sou sit entènèt nou an, adrès IP, enfòmasyon cookie, ak paj wèb ou vizite. Nou itilize enfòmasyon sa yo pou sekirite, amelyorasyon kontni, lavant, ak maketing. Pou plis detay sou sa ak detay sou lòt itilizasyon done deyò aplikasyon nou an (tankou sitwèb nou an) tanpri ale sou lyen sa a.
- Enfòmasyon Analitik: Nou ka kolekte done sou itilizasyon ki montre kijan ou itilize Sèvis nou an tankou kijan ou itilize aplikasyon an, ki kontni ou li ak kilès ou pi pito, kontni mesaj nan kad Sèvis nou an, done entegrasyon, ak enfòmasyon sou aparèy la. Nou itilize enfòmasyon analitik sa a pou n amelyore Sèvis la pou oumenm, Esponnsò w la, ak lòt itilizatè yo.
- Fichye jounal: Pou nou mentni sekirite, satisfè egzijans konfòmite, epi anjeneral pou nasire Sèvis la fonksyone kòrèkteman, nou kolekte enfòmasyon tankou adrès IP yo, demann sou sèvè yo, aktivite koneksyon, enfòmasyon sou aparèy, rapò sou pàn, aktivite sou izaj, oswa lòt enfòmasyon pou dekouvri ak reyaji parapò ak evènman ki endike enteripsyon posib nan sèvis la, menas sekirite, fwòd oswa lòt aktivite ilegal. Nou kapab tou itilize enfòmasyon sa a pou n ranfòse EULA nou an, pou konfòmite, ak lòt obligasyon legal. Depi sa fezab, nou limite enfòmasyon idantifyab ak enfòmasyon sansib ki nan fichye jounal sa yo.
- Enfòmasyon sipò: Si w kontakte nou pou kesyon, pwoblèm oswa demann ki konsène itilizasyon Sèvis nou an, ekip sipò nou an kapab wè Enfòmasyon Pèsonèl ou, avèk nenpòt enfòmasyon adisyonèl ou bay tou, pou nou kapab ede w. Nou ka poze kesyon swivi tou pou n rasanble plis enfòmasyon, depi sa nesesè, pou n ka adrese pwoblèm ou genyen an. Nou konsève enfòmasyon sa a kòm yon dosye pou demann ou fè pou sipò a.
- Enfòmasyon opsyonèl: Nou kapab kolekte enfòmasyon anplis tou, baze sou konsantman w, ki pa nesesè pou itilize Sèvis nou yo; enfòmasyon tankou opinyon sou pwodui, sondaj, analitik sou itilizasyon, ak temwayaj. Nou itilize enfòmasyon sa a pou amelyore ak vann Sèvis nou yo. Esponnsò w la kapab mande enfòmasyon sa a tou pou amelyore pwodui ak sèvis pa yo. Se dwa w pou w refize yo trete done pèsonèl ou pou rezon maketing dirèk, annik kontakte [email protected]oswa itilize lyen pou “anile enskripsyon (unsubscribe)” ki nan yon imèl ou resevwa.
Pataj
Nou pran angajman pou n kenbe konfyans ou e vle ou konprann kilè e ak kiyès nou ka pataje enfòmasyon nou kolekte.
Tyès vandè ak founisè sèvis otorize. Nou ka pataje enfòmasyon w ak tyès vandè oswa founisè sèvis ki ede nou ak sèvis espesyalize, sa gen ladan faktirasyon, tretman pèman, transmisyon imel, analiz done komèsyal, maketing (sa gen ladan, men pa sèlman, piblisite, atribisyon, deep-linking, imel dirèk, maketing mobil, optimizasyon, kontwòl pèfòmans, ebèjeman ak tretman done. Tyès vandè ak founisè sèvis sa yo pa gen dwa itilize enfòmasyon sa yo pou lòt objektif ke sa ki gen rapò ak sèvis y ap ban nou yo.
Rezon legal. Nou ka devwale kèk enfòmasyon pou reponn ak yon konvokasyon tribinal, òdonans tribinal, pwosesis legal, demann fòsdelòd, reklamasyon legal, oswa demann gouvènman ak pou pwoteje ak defann dwa, enterè, sante, sekirite, ak sekirite Wellframe, Blue Cross ak Blue Shield of Massachusetts, afilye nou yo, pasyan, itilizatè, oswa piblik la.
Transfè Komèsyal. HIPAA pèmèt òganizasyon yo transfere Enfòmasyon Sante Pèsonèl (PHI) nan sèten sikonstans. Nou ka transfere enfòmasyon w kòm yon pati nan yon transfè aktif òganizasyon an, fizyon, oswa konsolidasyon, oswa nan yon potansyèl ka fayit si transfè sa ta pèmisib anba règleman HIPAA ak notifikasyon HIPAA.
Avèk konsantman w oswa sou demann ou. Nou ka pataje enfòmasyon pou nenpòt lòt rezon nou pral fè w konnen nan moman nou kolekte enfòmasyon an oswa selon konsantman oswa demann ou.
Aprantisaj Machin
Gen pati nan Sèvis la ki ka enplike izaj ak devlopman aprantisaj machin. Aprantisaj machin (Machine learning) enplike itilizasyon algorit enfòmatize pou detekte tandans nan done yo otomatikman. Pou devlope, sipòte, ak itilize algorit sa yo, nou ka itilize enfòmasyon ki kategorize anwo a ak Enfòmasyon Depèsonalize jan nou defini l pi ba a. Nou itilize machine learning pou nou bay fonksyonalite, amelyore eksperyans, optimize operasyon nou yo, ak pou lòt rezon komèsyal.
Konfòmite ak itilizasyon API Google Workspace la
Nou afime API Google Workspace moun aksede atravè sèvis nou yo pa itilize pou devlopman, amelyorasyon, oswa antrènman modèl entèlijans atifisyèl (AI) oswa machine learning (ML) jeneralize.
Enfòmasyon depèsonalize
Anplis de kategori ak itilizasyon ki endike pi wo a, nou ka retire pati idantifyab yo nan Enfòmasyon Pèsonèl ou pou n kreye enfòmasyon depèsonalize (“Enfòmasyon Depèsonalize”). Nou kapab konbine enfòmasyon depèsonalize ak lòt enfòmasyon pou n mete yo nan ansanm done agreje. Nou itilize Enfòmasyon Depèsonalize nan fason sa yo:
-
- Divilgasyon pou Rezon Komèsyal: Nou kapab otorize, itilize, devwale, oswa otreman pataje Enfòmasyon Depèsonalize avèk kliyan enstitisyonèl, asosye, envestisè ak kontraktyèl pou nenpòt rezon ki gen rapò ak pratik komèsyal nou yo.
- Amelyorasyon Pwodui: Nou ka itilize Enfòmasyon Depèsonalize pou amelyorasyon pwodui ikonpri Sèvis la, ikonpri devlopman algorit aprantisaj machin.
- Rechèch: Nou ka itilize Enfòmasyon Depèsonalize pou fè rechèch, swa rechèch syantifik, rechèch maketing oswa rechèch komèsyal. Nou ka rann rechèch sa a piblik atravè piblikasyon tankou sa ki nan yon jounal syantifik.
ESTOKAJ AK KONSÈVASYON
Nap kenbe Enfòmasyon Pèsonèl ou pou kantite tan nesesè ki rezonab pou n ba w Sèvis la oubyen pou n respekte obligasyon legal yo. Nou ka kenbe Enfòmasyon ki Depèsonalize an pèmanans
Pou Itilizatè Androyid – Divilgasyon Google Play ki Obligatwa
Aplikasyon mobil ki fè pati Sèvis yo aksede, kolekte, itilize, e pataje enfòmasyon ou (sa gen ladan imaj, fichye) jan sa deklare pi wo a nan seksyon ki gen tit «Ki enfòmasyon Wellframe kolekte» e, jan sa aplikab, Notifikasyon HIPAA a. Epitou nou byen montre itilizasyon sa yo, dekri ki kalite done nou aksede, e jwenn konsantman ou pou rezon sa yo pandan w ap itilize aplikasyon mobil sa yo.
ITILIZATÈ ENTÈNASYONAL
Nou kenbe enfòmasyon yo nan Etazini Amerik e ann akò ak lwa Etazini, sa ki ka pa ofri menm nivo pwoteksyon ak lwa jiridiksyon pa w la. Lè w itilize Sèvis la e w ban nou enfòmasyon yo, ou konprann e w dakò enfòmasyon ou yo ka transfere oswa estoke sou sèvè nan yon lokal ki diferan de jiridiksyon w lan e, sizoka ou ta yon rezidan yon peyi ki pa Etazini, ou dakò transfè done sa yo Ozetazini pou nou trete yo ann ankò ak Règleman konfidansyalite a.
SEKIRITE
Nou suiv estanda, pratik, ak pwosedi ki jeneralman aksepte pou ede pwoteje enfòmasyon pèsonèl yo voye ban nou yo, ni pandan transmisyon ni lè nou fin resevwa l. Nou kenbe mwayen pwoteksyon teknik, administratif, ak fizik ki apwopriye pou ede nou pwoteje vi prive, sekirite, entegrite, ak disponiblite enfòmasyon pèsonèl ou. Mezi sa yo gen ladan kriptaj ak kominikasyon sekirize ant sèvè ak estokaj done sou aparèy mobil ou a nan yon estokaj prive anndan aplikasyon an lòt moun pa ka ouvri. Ou ta dwe konprann pa gen okenn sistèm estokaj done ak sistèm transmisyon done sou entènèt la oswa nenpòt rezo piblik ki ka bay yon garanti sekirite 100 pousan. Tanpri kenbe kritè pou koneksyon w yo sekrè, evite ale nan rezo WiFi piblik, epi dekonekte w depi ou sou aparèy ou pataje ak lòt moun. Si w ta janm sispèk gen yon pwoblèm sekirite ak kont ou, kontakte [email protected] imedyatman.
TIMOUN
Sèvis nou an pa fèt pou timoun. Nou pa kolekte volontèman okenn Enfòmasyon Pèsonèl nan men timoun ki gen mwens pase laj 13 lane amwenske yon paran oubyen responsab legal timoun nan te bay pèmisyon li atravè fonksyon kont pou moun kap bay swen nou an. Si nou vin jwenn ke nou te kolekte Enfòmasyon Pèsonèl nan men yon timoun ki gen mwens pase laj 13 lane san konsantman apwopriye a, nou pral efase Enfòmasyon Pèsonèl sa a tousuit.
DWA POU ENFÒMASYON PÈSONÈL
Ou ka mande tou pou n efase enfòmasyon pèsonèl ou lè w voye yon imel ban nou sou [email protected]. N ap efase enfòmasyon konsa amwenske yo mande nou kenbe enfòmasyon sa yo akoz yon lwa aplikab.
JENERAL
Sèvis la ka gen ladan l lyen oswa deep link ki mennen nan lòt sitwèb, ki louvri rezilta rechèch, ki gen done piblik oswa chanèl seleksyone, kote yo tout endepandan de nou. Nou pa genyen kontwòl e nou pa responsab pou kontni, pratik konfidansyalite vi prive, ni anons ki sou sitwèb tyès pati yo oubyen nou pa responsab tou pou pèt oswa domaj ki rive pa rapò ak itilizasyon w de lyen sa yo oubyen relasyon w avèk operatè sitwèb sa yo. Nou ankouraje w pou revize deklarasyon konfidansyalite vi prive chak sitwèb tyès. Nou pa responsab pou okenn divilgasyon ou fè bay tyès pati konsènan Enfòmasyon Pèsonèl ou, sa gen ladan manm fanmi w oswa zanmi w.
CHANJMAN NAN RÈGLEMAN KONFIDANSYALITE VI PRIVE SA A
Nou ka mete Règleman Konfidansyalite sa a ajou detanzantan lè nou afiche yon nouvo vèsyon sou entènèt la ak nan aplikasyon nou an. Se pou w gade paj sa adetanzantan pou revize nenpòt chanjman epi gade nan seksyon paramèt aplikasyon nou an tou. Si nou fè nenpòt chanjman enpòtan, nap mete yon notifikasyon nan aplikasyon an pou avize itilizatè aktyèl yo. Nou ka mande w pou w bay konsantman w pou nouvo kondisyon yo; otreman depi w kontinye itilize Sèvis la, oswa depi w kontinye ba nou Enfòmasyon Pèsonèl, sa pral fèt sou baz Règleman Konfidansyalite Vi Prive ki anvigè lè sa a.
KONTAK
Si w gen kesyon oswa sijesyon konsènan Règleman Konfidansyalite sa a, tanpri voye yon imèl pou Wellframe nan [email protected] oswa ekri nou nan:
Wellframe, LLC;
ATTN: Privacy Officer
470 Atlantic Ave., Floor 8
Boston, MA 02210, USA